Коби, Кеј-Џи, Неш, Милер, Пирс, Ален и Тери - играчи кои ке испишат историја

Погоренаведените играчи  во следната сезона ќе се обидат да срушат многубројни рекорди. Во сезоната што следува овие играчи ќе се обидат да ги остварат овие “барања“ и да испишат историја.

Коби Брајант:

- Му требаат уште само 676 поени за да го помине Мајкл Џордан на вечната листа на стрелци.
- Му требаат уште 113 асистенции за да стане 30. играч во историјата со +6000 асистенции
- Му требаат уште 532 обиди од линијата за слободни за да стане 5. играч во историјата на НБА лигата кој шутнал 10.000 пати од линијата за слободни. Другите 4 играчи се Шек, Вилт, Мосез Мелоун и Карл Мелоун.

Кевин Гарнет:

- Му требаат уште 363 шутеви од поле за да ги помине Мосез Мелоун, Џорџ Гервин, Ден Ајсел и Џон Хавличек на 11. место на вечната листа.
- Му требаат уште 58 минути за да го помине Вилт Чемберлејн на 6. место на вечната листа и да им се приклучи на Мосез Мелун, Елвин Хејс, Џејсон Кид, Карл Мелоун и Џабар.
- Му требаат уште 399 скока за да се искачи на 9. место на најдобри скокачи.
- Му требаат уште 30 блока за да стигне до бројката 2.000 блокади во кариерата.

Стив Неш:

- Му требаат уште 86 асистенции за да го помине Марк Џексон и да се искачи на 3. место на вечната листа на најмногу асистенции.
- Му требаат уште 90 изгубени топки за да влезе во ТОП 10 играчи со најмногу изгубени топки. (негативен рекорд)

Андре Милер:

- Му требаат уште 44 асистенции за да стигне до бројката 8.000 асистенции во кариерата и да им се придужи на Пејтон, Ајзеа, Оскар, Меџик, Кид, Неш, Џексон и Стоктон.

Пол Пирс:

- Му требаат уште 979 поени за да го достигне 25.000 поен во кариерата. Дирк, Коби и Гарнет се единствените активни играчи кои ја имаат поминато оваа граница.

Реј Ален:

- Му требаат уште 143 постигнати тројки за да ја помине границата од 3.000 постигнати тројки во кариерата и исто така да стане единствениот играч кој ја пробил оваа граница.

Џејсон Тери:

- Му требаат уште 78 тројки за да се искачи на третото место на најмногу постигнати тројки и да им се приклучи на Реј Ален и Реџи Милер.

Tweet