Тим Данкан и Ал Хорфорд именувани за играчи на неделата (19-25.11)

Ал Хорфорд од Атланта Хокс и Тим Данкан од Сан Антонио Спарс беа именувани за играчи на неделата во источната, односно западната конференција, за натпреварите одиграни од 19ти до 25ти Ноември.

Хорфрод ги одведе своите Хокси до одлична недела со 4 победи и ниту еден пораз, во која постигнуваше по 16.5 поени, 9.8 скока и 4.5 асистенции во просек. Ал Хорфорд асистираше 10 пати на натпреварот на Хокс против Визардс на 21. Ноември, што беше негов личен рекорд, а натпреварот заврши со победа на Хокс од 101-100.

Тим Данкан со своите Сан Антонио Спарс имаше рекорд од 3-1 во текот на изминатава недела додека беше одличен со 22.0 поени, 12.8 скока, 3.0 асистенции и 1.3 блока по натпревар. Данкан имаше 3 последователни натпревари со дабл-дабл учинок, а единствениот натпревар на Данкан без дабл-дабл беше максимално избалансиран на другите категории од играта, постигнувајќи 26 поени, 6 асистенции, 5 скока и 3 блокади, каде што Спарси славеа над Торонто Репторс со 111-106, по двојно продолжение. На истиот натпревар на 25. Ноември, Данкан го постигна својот 2.500 блок во својата кариера.

Ал Хорфорд:
Nov. 19 vs. Orlando: 15 points, 9 rebounds, 3 assists
Nov. 21 vs. Washington: 15 points, 10 assists, 9 rebounds
Nov. 23 @ Charlotte: 26 points, 13 rebounds, 3 blocks
Nov. 24 vs. L.A. Clippers: 10 points, 8 rebounds, 3 assists

Тим Данкан:
Nov. 19 vs. L.A. Clippers: 20 points,14 rebounds
Nov. 21 @ Boston: 20 points, 15 rebounds, 4 assists
Nov. 23 @ Indiana: 22 points,17 rebounds
Nov. 25 @ Toronto: 26 points, 6 assists, 5 rebounds, 3 blocks

Меѓу најдобрите поединци претходниот викенд беше уште и плејмејкерот на Бостон Селтикс Ражон Рондо, кој го стигна рекордот на Џон Стоктон со 37 натпревари со повеќе од 10 асистенции на отворање на сезоната. Пред него сега е само Меџик Џонсон со 46.

Прекрасно играше и Андре Игуодала од Денвер Нагетс, потоа ЛеБрон Џејмс од Мајами Хит, па Кевин Дурант од Оклахома Сити и Тајрик Еванс од Сакраменто Кингс.