ЛеБрон Џејмс сака да се прошири ростерот на Ол-Стар тимовите

Пред некој ден од страна на тренерите избрани беа резервите за Ол-Стар натпреварот на 17.Февруари во Хјустон, откако претходно фановите ги изгласаа стартерите за овој натпревар.

Многу луѓе се разочарани зашто Стефан Кари, Брук Лопез, Џош Смит, Џ.Р. Смит или Џамал Крофорд не се избрани, иако играат супериорни сезони и им помагаат на своите тимови на секој можен начин.

Леброн Џејмс на својот профил на “Twitter“ изјави дека според него ростерот би требало да се прошири. Тој вели дека треба да има по 15 играчи од двата ростера и дека многу добри играчи се прескокнати. Тој би сакал на Ол-Стар наптреварот да ги види Брендон Џенингс, Пол Пирс, Стеф Кари, Џамал Крофорд и Марк Гасол.

Оваа листа на Леброн многу луѓе ја оценија како добра листа, но тој не е единствениот кој зборува за прескокнувањето на многу добри играчи на Ол-Стар наптреварот.

Но прашањето е дали некои момци воопшто ќе заиграат доколку ростерот е проширен на 15 играчи. Моментално тренерите имаат достапни 13 играчи, од кои 5 се стартери и 7 резерви. Само за пример, минатата година, споредните играчи како Луал Денг, Андре Игудала, Рој Хиберт (Бајнам играше мала минутажа поради повреда) и Стив Неш играа сосема незабележителни минути. Можете да замислите каков тежок избор ќе имаат тренерите кога на овие 13 ќе се додадат уште два играча, кои секако сакаат да ја искусат атмосферата на Ол-Стар натпреварот? Навистина тешко... Но покрај се, кога некој играч е избран за да игра на Ол-Стар натпреварот, не се оценува неговиот перформанс, туку само настапот на таков спектакл е причина повеќе за тој играч да биде повеќе ценет. Сепак, тоа е само натпревар за забава и за маркетинг.

Tweet