ДиАнтони: “Се почнува од Брајант“

По двете победи на домашен паркет (Јута, Оклахома Сити) работите делуваат повеќе од позитивно за Лејкерси иако тие и натаму се 10. на Западот.

Моментално кошаркарите се на скор од 19-25, но во последните две натпревари го здогледаа светлото на крајот на тунелот и тоа по што ја променија филозофијата на играта. Имено, Коби престана да го форсира шутот и почна да го разигрува тимот, па така во последните два натпревари запиша по 14 асистенции. Лејкерси оваа сезона се на скор од 13-3 кога Брајант ќе упати 19 или помалку шута, а се на скор од 6-22 кога ќе шутне над 20 пати.

“Се започнува од Коби. Не го форсираше шутот и ја додаваше топката. Играше сјајно во одбраната. Се започнува со него, но и сите останти придонесуваат“,

вели Мајк ДиАнтони.

“Моментално играме добро, искрени сме едни кон други и сметаме едни на други. Тоа е голема разлика. Се обидувам да се развивам и да го најдам најдоброто на клубот“,

вели Брајант, кој против Тандер шутираше 8/12, и даде 21 поен.

“Најдовме нешто што функциоонира, тоа е сигурно и нешто поради што можеме да се чувствуваме. Мислам дека начинот на кој сега играме може да биде успешен“,

вели Гасол.

Tweet