Најмногу гласини имаше за трејдот на Џош Смит кој на крајот остана во Атланта Хокс. До крајот во игра за негово доведување беа Милвоки Бакс, но на крајот сепак не дојде до договор.
Но и покрај ова, Бакси направија трејд, но со Орландо Меџик и во своите редови го доведоја Џ.Џ. Редик, па сега имаат малку “гужва“ кога е во прашање бековската позиција, поради што во тимот ги имаат и Монта Елис и Брендон Џенингс.
Трејд направија и Бостон Селтикс, но не доведоја некоја поголема суперѕвезда. Нов играч на Келтите е Џордан Крофорд, а во Вашингтон беа пратени Леандро Барбоса и Џејсон Колинс.
Договорени трејдови:
- Џ.Џ. Редик, Гусатво Ајон и Иш Смит одат во Бакси, Бено Удрих, Тибиас Харис и Дорон Ламб во Орландо.
- Орландо го праќа Џош МекРобертс во Шарлот Бобкетс за Хаким Ворик.
- Мал трејд направија Мајами и Мемфис. Мемфис во своите редови го доби Декстер Питмен, додека Мајами ги доби правата на Рики Санчез.
- Хокси направија мал трејд со Далас, во Далас оди Ентони Мороу во замена за Данте Џонс.
- Бостон Селтикси ги праќаат Леандро Барбоса и Џејсон Колинс во Вашингтон во замена за Џордан Крофорд.
- Торонто Репторси го праќаат Хамед Хадади во Санс во замена за Себастијан Телфаир.
- Рони Бруер од Никс оди во Оклахома во замена за иден пик од првата рунда.
*Голем трејд помеѓу Кингси и Рокетси
------------------------------------------------------------------------------------------------------------
Подолу можете да ги погледнете сите шпекулации:
21:26 - Јута Џез потврди дека не направи никаков трејд.
21:25 - Никси го праќаат Бруер во Оклахома, за возврат добиваат иден пик од првата рунда на драфтот.
21:17 - Со Барбоса во Вашингтон ќе патува и Џејсон Колинс. Џордан Крофорд е нов член на Келтите.
21:07 - Хокси го праќаат Ентони Мороу во Далас во замена за Данте Џонс.
21:04 - Бобкетси го праќаат Хаким Ворик во Орландо во замена за Џош МекРобертс.
21:00 - Преводниот рок заврши, сега ќе се објават трејдовите.
21:00 - Извори велат дека Смит останува во Атланта, челниците не склучија никаков договор.
20:59 - Милвоки ги праќа Дорон Ламб, Тобиас Харис и Бено Удрих во Орландо во замена за Џ.Џ. Редик.
20:57 - Џ.Џ. Редик е трејдуван во Милвоки Бакс.
20:57 - Оклахома го трејдува Ерик Мејнор во Портланд.
20:50 - Блиску до договор е трејд на три екипи со кој Џ.Џ. Редик би го напуштил Орландо. Една од вклучените екипи е Милвоки.
20:49 - Блиску е остварување на договор помеѓу Оклахома и Портланд, со кој Ерик Мејнор би станал нов играч на Блејзерси.
20:44 - Иако многу тимови се интересираа за Еван Тарнер, тој ќе остане во Филаделфија.
20:39 - Индијана се откажува од Џ.Џ. Редик.
20:38 - Спарси се обидуваат да му пронајдат нов тим на ДеХуан Блер, но за сега нема ништо.
20:36 - Се чини дека Нетси се откажуваат од Џош Смит.
20:32 - По заминувањето на Питмен, Мајами ќе се обиде да потпише договор со слободниот играч Кенјон Мартин.
20:31 - Далас го очекува расплетот од ситуацијата околу Бакси и Хокси, ако не дојде до договор помеѓу нив, Бакси ќе го пратат Удрих во Далас.
20:29 - Се чини дека Ерик Гордон останува во Хорнетс.
20:26 - Сеуште не се знае каде ќе заврши Џ.Џ. Редик. Најзаинтересирани за него се Пејсерси, Сиксерси и Бакси. Сан Антонио се откажа од него.
20:09 - Како што се ближи крајот на преводниот рок, така и се појачаа преговорите помеѓу Атланта и Милвоки околу Џош Смит.
20:05 - Барбоса нема да игра до крајот на оваа сезона поради повреда, а договорот исто така му истекува на крајот на сезоната, така да веројатно нема ни да заигра за Вашингтон.
20:04 - Селтикси за Џордан Крофорд во Вашингтон ќе го пратат моментално повредниот Леандро Барбоса.
20:02 - Се чини дека дојде до трејд помеѓу Санси и Репторси. Себастиан Телфаир оди во Торонто, Хамед Хадади во Феникс.
20:00 - Уште нешто помалу од еден саат до крајот на преводниот рок!
19:59 - Извор од Денвер вели дека Нагетси нема да направат ниту еден трејд.
19:57 - Уште не е познато како ќе изгледа договорот помеѓу Визардс и Селтикс со кој Џордан Крофорд би требало да стане нов член на Бостон. Договорот сеуште не е постигнат, но е многу блиску до реализација.
19:55 - Мајами во Мемфис ќе го прати Декстер Питмен, во размена за Рики Санчез кој моментално игра во Аргентина.
19:35 - Мемфис Гризлис сакаат до крајот на преводниот рок да го искористат својот “trade exception“ кој го добија при праќањето на Руди Геј во Торонто.
19:23 - Селтикси и Визардси преговараат за трејд Фаб Мело - Џордан Крофорд.
19:13 - Се чини дека Хјустон се повлекува од трката за доведување на Џош Смит.
19:05 - Извори од редовите на Клиперс најавуваат дека веројатно тимот нема да прави размени, се со цел за да ја зачуваат хемијата во тимот.
18:54 - Тренерот на Нетси П.Џ Карлисимо изјави дека очекува дека трејдовите би требало да се случат во последните 2 саати од преводниот рок.
18:35 - Еден челник од Хокси изјави дека постои 50% шанса Смит да биде трејдуван.
18:33 - Булси изјавија дека нема да го трејдуваат Карлос Бузер, а голема е веројатноста да не прават никакви размени.
18:30 - Спарси се обидуваат, но не успеваат да ја состават понудата за Џ.Џ Редик која би ги задоволила челниците на Орландо.
18:17 - Далас исто така, како и Бостон се заинтересирани за Џордан Крофорд.
18:15 - И Бакси полека се повлекуваат од трката за Џ.Џ Редик, но сеуште не целосно.
18:13 - Детроит се откажува од трката за Џ.Џ Редик.
18:07 - Од Сакраменто негираат дека Тајрики Еванс е ставен на листата за трејдови.
18:05 - Нетси најмногу се “смирени“ во трката за доведување на Смит, ако не успеат да го доведат, веројатно тој ќе остане во Атланта.
18:00 - Многу гласини, малку конкретни договори.
17:50 - Вориорс активно се обидуваат да пронајдат тим за Џереми Тајлер.
17:33 - Селтикси се обидуваат да го донесат Тајрики Еванс.
17:28 - Сакраменто Кингси се отворени да го трејдуваат Тајрики Еванс, така да од утре би можеле да имаат и тоа како изменет тим.
17:26 - Бобкетси се обидуваат да пронајдат тим кој би им ги дал пиковите од првата рунда во замена за Џералд Хандерсон, но не успеваат во тоа.
17:15 - Вориорс се обидуваат да ги смалат платите и да дојдат под “порезот на луксуз“, и во разговор се со Кингси околку трејд.
17:12 - Мајами бара засилување на позицијата центар и покажува интерес за Тимофеј Мозгов од Денвер.
17:07 - Визардси сакаа да состават понуда за Џош Смит, но Хокси не се заинтересирани бидејќи Вашингтон не сака да ги трејдува Џон Вол, Бредли Бил и Нене.
17:02 - Ако Спарси не го доведат Редик ќе им пратат понуда на Кавси за Даниел Гибсон.
16:46 - И Спарси покажуваат интерес за Џ.Џ Редик.
16:45 - Милвоки Бакси и Феникс Санси се водечки екипи за доведување на Смит.
16:33 - Никси го ставија на располагање Иман Шамперт, но не добија примамлива понуда и се поверојатно е дека Иман ќе остане во Њу Јорк.
16:29 - Репториси се најдобар кандидат за доведување на Себастиан Телфаир од Санс, го понудија центарот Хамед Хадади, а ако ова помине Санси би заштедиле пари за да имаат мотив за купување на играч, следната сезона.
16:26 - Санси вчера направија трејд во кој го донесоја Маркус Морис, а бидејќи имаат 15 играчи во тимот, мора еден да се отпушти, а тоа е Лук Зелер.
16:21 - ГМ на Селтикс Дени Ејнџ изјави дека при секој обид за трејд наидол на препрека и се чини дека Келтите нема да повлечат никаков потег.
16:18 - Пејсерси освен Огустин на трејд листата ги ставаат и Џералд Грин и Тајлер Хансброу.
16:17 - Селтикси на располагање го ставија Фаб Мело, на “око“ го имаат Џордан Крофорд од Визардс.
16:14 - Активни се разговорите за преминување на Смит во Бакс. Бакси ги сакаат Смит и Харис, а Хокси Елис и Јудох.
16:13 - Булси сакаат да го трејдуваат Рип Хамилтон.
16:11 - Индијана го стави на располагање Д.Џ Огустин, а Мајами Декстер Питмен.
16:09 - Џ.Џ Редик призна дека сака да биде трејдуван во тим кој има шампионски амбиции, доколку не се случи тоа, сака да остане во Орландо.
16:05 - Оклахома се обидува да го трејдува Ерик Мејнор.
16:01 - Орландо има неколку понуди за Џ.Џ Редик, во замена можат да добијат идни пикови на драфтот.
15:58 - Лејкерси сакаат да ги отпуштат Стив Блејк, Крис Духон, Девин Ибенск и Дариус Морис во замена за пикови на драфтот.
15:51 - Портланд е спремен да го трејдува Џ.Џ Хиксон, а за возврат сакаат иден пик од првата рунда на драфтот, но засега нема ништо.
15:50 - Индијана, Сан Антонио, Милвоки, Детроит и Вашингтон се заинтересирани за Џ.Џ Редик.
15:48 - Милвоки е спремен да го прати Удрих во Далас, но сеуште не сакаат да повлекуваат потези бидејќи може да им затреба во потенцијалниот трејд на доведување на Џош Смит.
15:30 - Репторси и Санси се блиску до трејд со кој Телафар би станал нов играч на Торонто.
15:12 - Рокетси се во активни преговори со Хокси за доведување на Џош Смит, но според некои извори тие ќе причекаат до на лето, кога ќе можат да потпишат со Смит кој ќе биде слободен играч.
15:06 - Сакраменто Кингси се отворени за уште еден трејд, спремни се да ги понудат Арон Брукс и Чак Хејс.
15:05 - Нетси исто така се обидуваат да го донесат Џош Смит, а поради тоа се откажаа од доведување на Бен Гордон.
15:00 - Хјустон е заинтересиран за доведување на Џош Смит, но Атланта ја одбива понудата која ги содржи Омер Ашик и Чендлер Персонс.
------------------------------------------------------------------------------------------------------------
Twitter
Facebook
Youtube
0 comments:
Post a Comment