Крис Пол мисли дек Грејвис Васкез премногу зборува

По малата вербална пресметка која ја имаше Крис Пол со Грејвис Васкез, во натпреварот во кој Клиперси ги добија Хорнетси со 105-91, свое мислење за инцидентот даде и Крис Пол.

“Тој едноставно зборува многу, премногу зборува. Тоа е тоа.”- изјави Пол.

Васкез има уште од минатото репутација како играч кој премногу зборува, што очигледно му одело на нерви на Пол за време на натпреварот. Но факт е дека Крис Пол е далеку поискусен играч кој знае дека не треба да наседннува на такви провокации, ниту пак да се обидува да го смени карактерот на Васкез и да го спречи да зборува.

Можеби причината лежи во тоа што се почесто Васкез го споредуваат со Пол во тимот на Хорнетси и во него гледааат достојна замена за Пол, па тоа на некаков начин му пречело на Пол кој сакал да му покаже на Васкез "кој е кој" на теренот во што и успеа, затоа што Васкез натпреварот го заврши без поени, со 3 изгубени топки и 5 фаули. Тоа е лекцијата што треба да ја научи Васкез, дека зборувањето се гледа на теренот, а тој го изгуби тој натпревар.

Tweet